એક લેબનીઝ ડ્રોને ઈઝરાયલના વડાપ્રધાન બેન્જામિન નેતન્યાહૂના નિવાસસ્થાનને નિશાન બનાવ્યું, જે બાદ ઈઝરાયલના વડાપ્રધાને ઈરાન સમર્થિત આતંકવાદીઓ સામે ઈઝરાયલના વલણને પુનઃપુષ્ટી કરી. આ દરમિયાન નેતન્યાહૂએ ઇઝરાયલી સેના દ્વારા હમાસના નેતા યાહ્યા સિનવરની તાજેતરમાં હત્યાનો ઉલ્લેખ કર્યો અને જીત પ્રત્યે પોતાની પ્રતિબદ્ધતા પર ભાર મૂક્યો.
શનિવારની સવારે લેબેનોનના એક ડ્રોન તરફથી કેસરિયામાં ઈઝરાયલના વડાપ્રધાનના આવાસ પર હુમલો કર્યો. તેને લઈને વડાપ્રધાન નેતન્યાહૂએ કહ્યું કે, ‘અમે ઈરાનના અન્ય આતંકવાદી પ્રોક્સીઓ સામે અમારી લડાઈ ચાલુ રાખીએ છીએ.’
તેમણે કહ્યું કે, ‘IDFની તરફથી યાહ્યા સિનવારની હત્યાનો ઉલ્લેખ કરતા કહ્યું, બે દિવસ પહેલા અમે હમાસના માસ્ટરમાઇન્ડ યાહ્યા સિનવારની હત્યા કરી હતી. અમને કોઈ રોકી શકશે નહીં, અમે આ યુદ્ધ જીતવા જઈ રહ્યા છીએ.’
ઈઝરાયલના વડાપ્રધાને ઈરાન સમર્થિત આતંકવાદીઓ સામે ઈઝરાયલના વલણની પુનઃપુષ્ટી કરી, આ દરમિયાન નેતન્યાહૂએ ઇઝરાયલી સેના દ્વારા હમાસના નેતા યાહ્યા સિન્વરની તાજેતરમાં હત્યાનો ઉલ્લેખ કર્યો અને જીત પ્રત્યે પોતાની પ્રતિબદ્ધતા પર ભાર મૂક્યો.
હિઝબુલ્લાહએ ઈઝરાયલ ક્ષેત્રમાં ગાઈડેડ મિસાઈલો અને વિસ્ફોટક ડ્રોનને તૈનાત કરીને તણાવ વધારવાની પ્રતિજ્ઞા લીધી, આવા સમયે ઈઝરાયલના વડાપ્રધાનના આવાસ પર હુમલો કરાયો. તેવામાં હિઝબુલ્લાહએ કહ્યું કે, ‘અદ્યતન રોકેટનો ‘મોટો સાલ્વો’ હૈફાની પૂર્વમાં એક સૈન્ય સુવિધાને અથડાયો, કારણ કે તેણે 23 સપ્ટેમ્બરથી શરૂ થયેલા ચાલુ સંઘર્ષ વચ્ચે ઈઝરાયલ પર હુમલાને વધુ તીવ્ર બનાવવાની પ્રતિજ્ઞા લીધી હતી.’
